Шу ауданының бас имамы Алмас Кенжемолдаев "Төле би" мешітін зиярат етті. Аталған "Төле би" мешітінің имамы Талғат Кәрібайұлы ауданға жаңа тағайындалған бас имамға мешіттің тыныс-тіршілігін таныстырып, жұмыс барысын баяндады. 

Бас имам мешіттің іші-сыртын аралап, көркемдігін жеткізіп, зерделеу жұмыстарын жүргізді. Намаз уақытында жамағатпен тілдесіп, мешіт қызметкерлерінің хал-ахуалын білді. 

Талғат Кәрібайұлы алға қойылған жоспарлармен бөлісіп, ауданның діни ахуалы үшін қашанда бірлесе белсенді қызмет атқаруға күш салатынын айтып ілтипат білдірді. 

Шу аудандық "Жәми" мешітінің баспасөз қызметі