Пайғамбарымыз(ﷺ) хадисінде айтады: «Ораза ұстаған адамды тамақтандырған ораза ұстағанның сауабын алады. Әрi бұл ораза ұстаушының сауабы кемiтiлмейдi».

Осы хадиске амал етіп, Шу аудандық "Жәми" мешітінің ұстазы Сәуле Нұрсұлтанқызы мен шәкірттердің ұйымдастыруымен жамағатқа кезекті 3-ші рет ауызашар ұйымдастырылды.

Ауызашарда әртүрлі интелектуалды ойындар ойнатылып, жеңімпаздарға сыйлықтар табысталды. Дәстүріміз жаңғыртылып, жас келіндер апаларға құрмет көрсетіп, арнайы сәлем салып, ақ жаулық жапты. Сәуле ұстаз мұндай белсенді, саналы шәкірттеріне алғыс айтып, жамағат санының арта түсуі, ауызбіршіліктің мығым болуы үшін Алладан дұға тіледі.

Шу аудандық "Жәми" мешітінің баспасөз қызметі