Жамбыл облысы Байзақ ауданы «Байзақ баба» мешітінің әйел-қыздар секторының аудан бойынша жетекшісі Кушербаева Жанат ұстаздың ұйымдастырумен «Рамазан – рухани азық» атты интелектуалды жарыс өтті.

Жарысқа 4 топ қатысты. Олар «Раян», «Рамазан», «Кәусар» және «Үммет» топтары.

Жарыс сұрақтары фиқһ, ақида, сира және ислам тарихынан қойылды. Жарысқа қатысушылар ұяшық таңдау арқылы қойылған сұрақтарға жауап берді.

Сайысқа қатысушыларды бағалау үшін арнайы мешіт жанынан құрылған әжелер алқасынан Торяева Зулейха және Нурымбетова Ушыга  төрешілер төрелік етті.

Жарыс басында аудан бас имамы Қанат Әділханұлы: «Бүгін сіздер осы уақытқа дейін алған ілімдеріңіздің нәтижесін көрсетесіздер. Пайғамбарымыз (оған Алланың салауаты мен сәлемі болсын) хадисінде: «Ілімді талап ету – әр бір ер мен әйелге парыз», - деген. Ендеше сіздерге сәттілік. Алла ілімдеріңізге ілім қоссын», - деді. Ал Кушербаева Жанат ұстаз жарыс ережелерін түсіндіріп өтті.

         Жарыс нәтижелері бойынша:

         Бас жүлдені «Рамазан» тобы қанжығаласа,

         I орын «Раян» тобына,

         II орын «Кәусар» тобына,

         III орын «Үммет» тобына бұйырды.

Барлық қатысушыларға жарыс соңында бағалы сыйлықтар табысталды.

Байзақ аудандық мешітінің баспасөз қызметі