Халықаралық Жер күніне орай Жамбыл облысы Тұрар Рысқұлов ауданына қарасты ауылдық мешіттердің аулалары абаттандырылды. Атап айтар болсақ, Қорағаты және Құмарық мешіттерінің аулаларына жас шырша мен басқа да көшет ағаштары отырғызылды. Ал, Тереңөзек, Әбжаппар, Құлан, Бәйтелі ауылының мешіттерінің ауласына тазалық жұмыстары жүргізілді.

«Тазалық – иманның жартысы» деген хадисті басшылыққа алған мешіт қызметкерлері мен жамағаты осынау іс-шараны қолға алып, бір кісідей атқарды. Алланың үйлеріне қасиетті айда қызмет қылған бауырларға мешіт имамдары рақмет айтып, олардың хақына дұға қылды.

Қуаныш Тузелбеков

Рысқұлов аудандық мешіттің баспасөз қызметі