Жамбыл ауданы орталық «Бәйдібек» мешітінде ауданның бас имамы Ғайырфулла Қуанышбекұлы тарауық намазының алдында мешітке келген жамағатқа «қасиетті Құранға» деген сүйішпеншілік және оған құрмет көрсету турасында уағыз айтты.

Құран Кәрім – Алла Тағала тарапынан түсірілген, үкімі қияметке дейін жалғасатын, адамзат баласы үшін тура жол нұсқаушы ретінде берілген ұлы сый. Шынымен де, Құранның ақиқаттығын мойындап, оны құрметтеп, оған шынайы махаббатпен еретін болсақ, Құран жан-дүниемізді байытып, жоғары адамдық қасиеттерге тәрбиелеп, рухани кемелденуімізге жол ашады. Аудан имамы уағыз соңында мешіт жамағатына қасиетті айда қасиетті Құранға түсу бақыты бұйырсын деп дұға етті.

Жамбыл аудандық мешітінің баспасөз қызметі