Жамбыл ауданына қарасты Тоғызтарау ауылында көптің игілігіне арналған жаңа мешіт ашылды. Аталмыш мешіттің салтанытты түрде ашылуына Жамбыл облысының бас имамы Бейбіт Мырзагелдиев арнайы қатысып, бірінші сөз алып, жамағатты құттықтады.

Сонымен бірге, ауыл әкімдері мен аудан әкімінің орынбасары Олжас Баққараев, аудандық ішкі істер бөлімінің басшысы Асқар Байдалиев пен аудандық «Атамекен» партиясының төрағасы Мадияр Самбетов, Жамбыл облысының құрметті азаматы Сейдіазимов Сембек және де ауданымыздың бас имамы Ғайырфулла Қуанышбекұлы қатысты.

Мешіттің ашылуына облыстан арнайы құрметті қонақтар мен ақсақалдар келіп, жамағатқа арнап сөз сөйледі. Аталған шараға арнайы келген қонақтар құттықтау сөздері мен ізгі тіліктерін білдірді. Жамбыл ауданында мешіттердің қатары отыз екінші мешітпен толықты. Сондай-ақ, салтанатты шараға арнап қазақша күрес және басқа да қазақтың ұлттық ойындары ойнатылды. Жаңа мешітте алғашқы намаз оқылып, жамағатқа облыстың бас имамы уағыз айтып, арнайы жайылған дастарханға жайғасты.

Жамбыл аудандық мешітінің баспасөз қызметі