Жамбыл ауданы Бесағаш ауылында «Бесағаш» мешітінің имамы Керимов Айтжан және ауыл жастарының ұйымдастыруымен арнайы ауыл тұрғандарына арнап, «Мәуліт» дастарханы жайылды.

Аталған шараға облыстың орталық мешітінің найб имамы Ғалымбек Төлегенұлы мен ауданымыздың бас имамы Ғайырфулла Қуанышбекұлы арнайы барып қатысты. Сонымен бірге, қала мен ауыл имамдарының басын қосқан мерекелі дастарханда «Мәуліт» оқылды.

Келген жамағатқа облыстың найб имамы мерейі үстем мерекенің мән-мағынасын түсіндірсе, аудан имамы аталмыш шараны ұйымдастырушылар мен жамағатқа алғысын білдірді. Сондай-ақ, кеш соңында белсенді мешіт жамағаттарына арнайы алғыс хаттар табысталды

Жамбыл аудандық мешітінің баспасөз қызметі