Адам баласы қоғам ретінде өмір сүруге бейім жаратылғандықтан бір-біріне мұқтаж. Осындай мұқтаждық адамдардың бір-біріне жәрдемдесуін, бір-бірінің кем-кетігін толтыра отырып, үйлесім негізінде өмір сүруін талап етеді. Сондықтан да ислам діні жақсылық жасауды, өзара жәрдемдесуді әрі рухани әрі материалдық қырынан жан-жақты қолға алып, оны діни-моральдық жауапкершілік ретінде бекіткен. Құран Кәрімнің көптеген аяттары мен Пайғамбарымыздың (с.ғ.с.) хадистерінде бұл анық көрініс тапқан.

Шу ауданы Сауытбек ауылының имамы Шаттық  Қамаубаевтың ұйымдастыруымен жағдайы төмен 7 отбасына арналып қой сойылып, еті таратылды.

Етке қосып ұн, құмшекер, сұйық май, макарон табысталды. Игілікке жұмсалған жалпы қаражаттың көлемі 100 000 теңгені қамтыды. 

Шу аудандық "Жәми" мешітінің баспасөз қызметі