«Зияткер имам» сайысы мешіттерде қызмет жасайтын имам-ұстаздардың жасампаз, діни мәселелерді үйлестіруді шебер меңгерген білімді, білікті, үлгілі, іскер, діни ағартушы маман болуын мақсат етеді.

Шу ауданы, Балуан Шолақ ауылы "Қойайдар" мешітінде Жамбыл облысы бойынша "Зияткер имам" атты білім додасы өткен болатын. Білім сайысына Жамбыл облыстық "Һибатулла Тарази" мешітінің наиб имамы Нұрлан Мұрат жетекшілік етіп, облыстың әр ауданынан 15-ке жуық дін мамандары келіп қатысты.

Меркі аудандық "Меркі ата" мешітінің ұстазы Алпысбаев Есбол жүлделі бірінші орынды иеленді. Аудан имамы Азамат Берікұлы өз разылығын білдіріп, сайыста орын алған ұстазға алғысын білдірді.

Меркі аудандық "Меркі ата" мешітінің баспасөз қызметі