Бүгін Қызылорда облысы, Қызылорда қаласында 28-29 қыркүйек күндері өтетін Құран Кәрімді жатқа және мәнерлеп оқудан ХІ республикалық байқауының жеребе тарту рәсімі өтті. Жамбыл облысынан келген үміткерлер осы шараға арнайы қатысты.

Алла сәтін салса, үміткерлер дүбірлі додада өздерінің бақтары мен баптарын сынайтын болады.

Еске сала кетер болсақ, Құран Кәрімді жатқа және мәнерлеп оқудан ХІ республикалық байқауының Жамбыл облысы бойынша іріктеу сайысы 25-тамыз күні ұйымдастырылған болатын. Іріктеу сайысына 50 үміткер қатысып, арасында оқ бойы озық шапқандар аталмыш республикалық байқауға жолдама алған. Атап айтар болсақ:

1. Толық Құранды жатқа оқу бойынша Мырзагелді Иманәлі

2. Құранның 20 парасын жатқа оқу бойынша Абдусаттар Имран

3. Құранның 10 парасын жатқа оқу бойынша Сушанло Мухаммедзакария;

4. Құранды мәнерлеп оқу бойынша Рузметов Расулжон.

Жамбыл облысының намысын қорғайтын үміткерлерге жерлестері сәттілік тілейді.

"Һибатулла Тарази" мешітінің баспасөз қызметі