Жамбыл облысы, Қордай ауданы, аудандық "Қордай" мешіті әйел-қыздар секторының ұйымдастыруымен "Қаламмен жазылған" атты Құран Кәрім кеші өтті. 

Қыз-келіншектерге, әйелдер жамағатына арналған жиынды Марям Асхатқызы қасиетті Құран аяттарын оқумен ашты. Рухани білім мен имани нәрге толы шарада аудандық мешіттің ұстазы Эльмира Аманқожақызы Құран жайлы мағұлмат беріп, оны оқудың пайдасы жайын тілге тиек етті.

Қасиетті кітабымыз жайлы өлең жолдары, монологтар оқылып, көпшіліктің көзіне жас алдырған қойылымдар қойылды.

Шара соңында сұрақ-жауап ұйымдастырылып, шәкірттердің білімі сыналды. Рухани кештен рухани нәр алған жамағат ұйымдастырушыларға алғысын білдірді.

Аудандық Қордай мешітінің баспасөз қызметі