Бүгін күндердің сұлтаны қасиетті жұма күні Қазақстан мұсылмандары діни басқармасы Қоғаммен байланыс бөлімінің басшысы Нұрбек Есмағанбет пен ҚМДБ Жамбыл облысы бойынша бас имамы Бейбіт Мырзагелдиев Сарысу ауданында жұма намазын өткізді.

Өңірдегі Әшір Бүркітбаев ауылы "Ақмолда" мешітіне арнайы ат артып келген дін мамандары жамағатпен жүздесіп, жалпы ауданның діни хал-ахуалымен танысты.

Нұрбек Есмағанбет "Қоршаған ортаны қорғау және қамқорлық таныту әрбір мұсылманның міндеті" тақырыбында уағыз айтып, көпшілікті табиғатты қорғауға, отанымыздың байлығына аманат деп қарап, қамқор болуға шақырды.

Ақерке БЕКҚҰЛОВА

"Һибатулла Тарази" мешітінің баспасөз қызметі