Халқымыз тазалыққа аса мән берген. Бабаларымыз көшпенді өмір сүрсе де, өмір сүру әдеттерінде тазалық басты орында тұрған. Ұлтымыздың ұстазы Ыбырай Алтынсарин: «Сабаз болсаң жердей бол, жер бәрін шыдап көтереді, таза болсаң судай бол, су бәрін жуып кетіреді»,- деп тазалықтың маңыздылығын жырына қосқан.

Тазалық асыл дініміз Исламдағы басты шарттардың бірі ретінде қарастырылған. Алла елшісі ﷺ: «Дін – бұл тазалық», - деп өз үмметіне айтып кеткен.

Осы ұстанымды ұстанатын мешіттер әлемдегі ең таза жер екенін еске сала кетейік. Күнделікті айна шағылысқандай тап-таза етіп жиналатын мешіт айына, аптасына бір рет үлкен сенбілік өткізіп тұрады. Осы дәстүр "Баласағұн" мешітінде үзілмей, мешіттің іші, ауласы толы тазартылды. 

Шу аудандық "Жәми" мешітінің баспасөз қызметі