Қордай ауданына арнайы келген өңірдің дін ісі бойынша кураторы, РАНТ мүшесі, "Һибатулла Тарази" мешітінің наиб имамы Нұралы Бақытұлы жамағатпен кешкілік жиында бас қосты. 

Айлық дастархан уағызына шақырылған имам ақшам мен құптан намазының ортасында орталық Қордай мешітінде уағыз жүргізді. Намаздың құндылықтары жайлы көркем насихат айтып, жамағаттың сауалдарына мысалдармен жауап берді. 

Сап түзеп құптан намазын оқыған жамағат, дастарханға жайғасып, білікті маманның насихатын ас үстіне тыңдап, Алланы еске алды. 

Қордай аудандық мешітінің баспасөз қызметі