Исі мұсылманның қасиетті мерекесі Құрбан айтқа мерекесіне орай "Кеңесхан қажы" мешітінің ұстаздарының ұйытқы болуымен мешіт шәкірттері мен балалар "Baby town" балалар ойын әлемінде бас қосты.

Балдырғандар көңілдері қалағанша ойын ойнап, қыз-келіншектер дастархан басында бас қосты. Игі жиынға Тараз қаласының белгілі ұстазы Жібек Қолағұлова қонақа келді. 

Көпшілікке білімді қайталау мақсатында сұрақ-жауап ойыны, сымсыз телефон ойыны ойнатылып, дұрыс жауап бергендерге сыйлықтар тарту етілді. Мұндай сый балалаларға да жасалды. 

Әйелдер жамағаты әсерлі уағыз тыңдап, "Сыйлық алу мәдениеті", "Алқа оқиғасы" жайлы насихаттарды қойылыммен қоса тыңдады. 

Шарада мешіттегі Құранға түскен шәкірттерге құрмет көрсетіліп, құттықтау айтылды. Мешіт атынан құранға түскендерге дәмді торт сыйға берілсе, жамағат алтын жүзік тақты. Аталған шараға мұрындық болған Зейнеп Үсенова ұстазға жамағат алғыстарын жаудырды.

Ақерке ШАХРИЗАТҚЫЗЫ

"Һибатулла Тарази" мешітінің баспасөз қызметі