Меркі ауданына қарасты барлық мешіт қызметкерлері Рамазан айының соңғы он күндігі кірісімен, мешітке жиналған жамағатқа «Қадір түні» туралы уағыз-насихат жүргізді.

Аудан имамдыры: «Ислам дінінде ең қасиетті түн бар. Ол – Қадір түні. Мың айдан да қайырлы бұл түннің ерекшеліктері де жетіп артылады.

Алла Тағала Қадір түнін басқа түндермен салыстырғанда ерекшелеп, оның дәрежесін көтерген. Бұл түнде Жаратушы Иенің пенделеріне берер сыйы да мол. Раббымыз пендесіне басқа түндерде бермеген ризық-несібесін осы түнде үлестіреді. Сол себепті, мұсылман қауымы Қадір түнін тағатсыздана күтіп, оны құр жіберіп алмауға әрі бұл түнді тиімді пайдалануға тырысады. Мұсылмандардың Қадір түнін тағатсыздана күтуінің тағы бір себебі – Жаратушыға жақындау. Себебі, Қадір түнінде тілеген дұға-тілектер сөзсіз қабыл болады. Ол түнді соңғы он күндік ішінен тақ күндері іздеу керек», - деп, Қадір түні туралы, белгілері, қай түннен іздеу керек екендігі егжей-тегжейлі түсіндірілді.

Алла Тағала құлшылық ғибадаттарымызды қабыл етсін!

Меркі аудандық «Меркі ата» мешітінің баспасөз қызметі