Тұрар Рысқұлов ауданы Абай ауылдық «Қалқабай ата» мешітінде дәстүрлі мерекеміз наурыз мейрамы аталып өтілді. Мешіт ауласында мерекенің ашылуы және ауыл әкімінің құттықтауы мен ақсақалдардың бата тілегімен басталды.

Кейін мешіттің асханасында мерекелік ас наурыз көже беріліп жалғасын тапты. Екі жыл әлемді жайлаған індет себепті карантинде болып наурыз тойламаған халықтан ұлттық мерекені сағынып қалғандығы байқалды. Сонымен қатар, осы іс-шарада ауыл имамы Талғат мырза сөз сөйлеп, наурыздың шығу тарихы мен мән-маңызын баяндап берді. Айта кететін жайт, мереке қарсаңында мешіт ауласына шырша түптері отырғызылды.

 Қуаныш Тузелбеков

Рысқұлов аудандық мешіттің баспасөз қызметі