Халқымыздың сан ғасырдан бері рухани құндылығы саналатын ислам дінін насихаттауда имамдардың еңбегі зор. Дінтанушы ғалымдардың айтуынша, имам – мұсылман үмметінің ең бірінші тұлғасы, ұстазы, айнасы. Адам баласының жүрегі өмір бойы ізденіспен, жаңашылдықпен, өзгеріспен жасарып отырады. Өйткені ол – ағзадағы сана серпілісі мен болмыс өзгеруінің басты ұйытқысы. Сондықтан да біліктілікті арттырып, үздіксіз білім алу дін мамандары үшін де маңыды.

Осы мақсатта Нұр-мүбарак университетінің проректоры Қайрат Құрманбаев Қордай ауданының имам-молдаларына дәріс оқыды. Аят, хадистерді дұрыс түсіну, ғұламалардың талдауы, муташабиһ-мухкамаят жайлы семинарда сөз сөйледі.

Жиынға Қордай ауданының бас имамы Асқар Зәкіржанұлы бастаған теріс ағыммен күрес бағытында жұмыс жүргізіп жүрген өңір имам-молдалары қатысты.

Алматыдан ат артып арнайы келген маман тақырыпты толықтай ашып, терең мағынаға, ғылымға толы іліммен бөлісті. Имамдар өз сауалдарын қойып, білімдерін пысықтады.  

Қордай аудандық мешітінің баспасөз қызметі