Бүгін 29 тамыз Жамбыл облысы Байзақ ауданындағы адам өліміне әкеп соқтырған қайғылы оқиғаға байланысты 29 тамызды Жалпыұлттық аза тұту күні деп жарияланған болатын.

Осыған орай, ҚМДБ-ның Төрағасы, Бас мүфти Наурызбай қажы Тағанұлының ұйытқы болуымен республика бойынша барлық мешіттерде марқұмдардың рухына Құран хатымы бағышталды.

Жамбыл облыстық орталық "Һибатулла Тарази" мешітіне жиналған имамдар Алланың кәләмін оқып, қаза болғандарға мейірімін төгуді, артында қалған отбасыларына сабыр, елімізге аманшылық тіледі. 

Ақерке БЕКҚҰЛОВА

"Һибатулла Тарази" мешітінің баспасөз қызметі