Мемлекеттің тұрақты дамуының негізі – бәсекеге қабілетті жастар буыны, ал бұл тікелей жас қазақстандықтардың білім мен білік сапасына, олардың ұмтылысы мен ынтасына байланысты. Осы жас жеткіншекке талпыныс сыйлайтын ұстаздары, қоршаған ортасы. 

Бұл тұста, дамып келе жатқан жасқа қай салада болмасын дұрыс бағдар беру маңызды. Осы мақсатты арқау етіп, Қордай ауданының бас имамы Асқар Зәкіржанұлы ауыл мектептерін аралап, 9-11 сынып оқушыларымен жүздесу өткізуде. 

Кезекті шара Ауқатты ауылдық орта мектебі мен Масаншы ауылдық №12 мектепте орын алды. Дін туралы түсінікті қалыптастыру, діни сауаттылықты арттыру тақырыптарында түсіндіру жұмыстары жүргізіліп, оқушылардың көкейкесті сауалдарына жауаптар берілді. Мұндай кездесулер оқушылардың діни иммунитетін қалыптастыру үшін аса маңызды. Оң-солын танып, дінге қызығушылығы артып жүрген ұл-қыздарға ата дініміз мен теріс бағыттың айырмашылығы түсіндірілді.

Қордай аудандық мешітінің баспасөз қызметі