Қазіргі таңда коронавирусты білмейтін, естімеген жан жоқ шығар. Қытайдан бастау алып күллі әлемге жайылып кеткен бұл індет адамзат баласын қатты алаңдатуда. Осы орайда, мұсылман бауырларымызды үрейленіп дүрлікпеуге үндейміз әрі Пайғамбарымыздың (ﷺ) мына бір хадисін келтіре кетуді жөн көріп отырмыз: «Бұл дүниеде емі табылмайтын дерт жоқ, тек кәріліктің ғана емі табылмас». Демек, дүрлігудің қажеті жоқ.

Алланың қалауымен, күндердің күнінде аталмыш індеттің де емі табылып қалары шүбәсіз. Алла Тағалаға тәуекел етіп, ем-шипаны тек Алладан ғана тілеңіздер. «Дәрігер тек емдейді, ал шипа тек Алладан ғана екенін» есімізден шығармайық, ағайын. «Мұсылманның қаруы - дұға» демекші, ел-жұрт, туған-туыс, жора-жолдас, отбасымыз және өзіміз үшін үнемі дұғада болайық.

asyldin.kz