10 бөлім. Әл-Махди туралы жазылған кітаптар

Әл-Махдидің келуі негізгі хадистер жинағында келтірілгеніне қарамастан, ғалымдар ол туралы жеке кітаптар да жазған:

1. Ас-Сухейли атап айтқандай, әл-Хафиз Әбу Бәкір ибн Хайсама әл-Махди туралы хадистер жинағын жасаған;

2. Имам ас-Суюты имам әл-Махдидің келуі туралы әртүрлі хадистерді жеке жинап жазған әрі оны өз еңбегі «Әл-Хауиде» (Әл-Хауи лил-фатауа 2/57) шығарған;

3. «Ан-Нихая» (1/30) кітабында Ибн Касир имам әл-Махди туралы жеке кітап жазғанын атап өткен;

4. Әли әл-Хинди имам әл-Махди туралы жеке еңбек жазған;

5. Ибн Хаджар әл-Хайтами «Әл-Каул әл-мухтасар фи аляма әл-Махди әл-мунтазар» кітабын жазған;

6. Мулла Әли Кари «Әл-Машраб әл-уарди фи мәзхаб әл-Махди» кітабын жазған;

7. Ибн Юсуф әл-Ханбали «Фауаид әл-фикр фи зухур әл-мунтазарды» жазған;

8. Аш-Шаукани «Ат-Таудих фи тауатур ма джаъа  фи әл-Махди әл-мунтазар» кітабын жазған;

9. Садық Хасан былай жазған: «Муххамед ибн Исмаил әл-Амиир әл-Ямани да имам әл-Махди туралы кітап жазған және оның Пайғамбарымыздың (ﷺ) тегінен әрі уақыттың соңына таман пайда болатынын жазған».

Жоғарыда айтылып өткен кітаптардың ішінен Ибн Хаджар әл-Хайтамидің жарық көрген әрі оқырмандардың қолы жетімді кітабын атап өтуге болады.

 asyldin.kz