7 бөлім.  Имам әл-Махди туралы хадистер

Бұл бөлімде біз имам әл-Махдидің келуіне деген нанымның сенімді Сүннетте негізі бар екендігін дәлелдейтін, танымал сүннеттік жинақтардағы бірнеше хадистерді келтіреміз. Оның келуі туралы хадистердің тауаттур дәрежесіне   жеткенін көрсетеді.  Біз имам әл-Махдидің келуін жоққа шығарғандардың сындарына жауап береміз.

Бірінші хадис

Әбу Саид әл-Худр (р.а.) Алла Елшісінің (ﷺ) былай айтқанын келтірген: «Менің үмбетімнің өмірінің соңына қарай әл-Махди пайда болады. Алла Тағала жаңбырмен сусындатады, ал жер мол өнім береді, өте көп ақша мен көп жануарлар болады. Менің үмбетім айбынды болады. Ол жеті немесе сегіз қажылық уақытындай өмір сүреді» (Әл Хакимнің «Әл-Мустадракы»).

Екінші хадис

Әбу Саид әл-Худр (р.а.) Алла Елшісінің (ﷺ) былай айтқанын жеткізген: «Мен сендерді әл-Махди туралы хабармен қуандырамын, ол адамдар арасында бүлік пен алауыздық көп орын алған кезде жіберіледі және ол оғынға дейін зұлымдық пен езушілікке батқан әлемді әділдік пен игілікке толтырады. Жер мен көкті мекендеушілер оған разы болады» (Ахмадтың «Муснады»).

Үшінші хадис

Әли (р.а.) Алла Елшісінің (ﷺ) былай айтқанын жеткізген: «Әл-Махди – бізден, әһлү бейттен. Алла оған шынайы жолды бір түнде көрсеткен» (Ахмадтың «Муснады»). Бұл жерде меңзеліп отырғаны, Алла оны дайындап, шынайы жолды көрсетеді, алдында ол ондай болмаған деп көрсетеді Ибн Касир (Ан-Нихая, 1/29). Бұл хадис сырттай бірнеше тасаууф шейхтерінің Махди накшубандтық тарикат шейхының соңғысы болады деген пікірлеріне қайшы келеді, өйткені бұл хадисте оның шынайы жолға салынуы шейхтар мен ұстаздардың тәлімгерлігінің нәтижесінде емес, Алла Тағаламен бір түнде аяқталған деп көрсетілген. Ал Алла Тағала жақсы біледі.

Төртінші хадис

Әбу Саид әл-Худр (р.а.) Алла Елшісінің (ﷺ)  былай айтқанын келтірген: «Әл-Махди – менің ұрпақтарымнан. Оның маңдайы кең, ал мұрны кішкене дөңесі бар түзү әрі жіңішке болады. Және де ол зұлымдық пен әділетсіздікке батқан әлемді әділдік пен адалдыққа толтырады» (Әбу Дәуіттің «Сунаны»).

asyldin.kz