БҰҰ Кабул қаласында Ауғанстан тұрғындары шұғыл жағдайлар орын алғанда жүгіне алатын дағдарыс call-орталығын ашты.

Бұл орталыққа жауынгерлік әрекеттермен, дүлей апатпен, үйдегі зорлық-зомбылықпен немесе басқа да қиыншылықтармен бетпе-бет келген кез-келген жан хабарласа алады.

Tolo News телеарнасының мәлімдеуінше, аталмыш орталыққа Ауғанстанның кез-келген жерінен 410 номерін теру арқылы тегін қоңырау шалуға болады.

Келіп түскен қоңырауларға бірнеше тілді меңгерген, төртеуі қыз-келіншек болып табылатын операторлар жауап беретін болады.

Шалынған әрбір қоңырау тіркеліп, тиісінше ведомствоға жіберіліп отыратын болады, ал оның орындалуын БҰҰ өкілдері қадағалайды.

Айта кету керек, бұл БҰҰ әлем бойынша екінші жобасы. Мұндай бірінші call-орталық 2014 жылы Иракта ашылған болатын.

asyldin.kz