Ғалымдар иман келтірушілер мен атеистердің арасындағы исламофобия деңгейін салыстырды.

Беделді талдамалы агенттік Pew Research Center өзінің кезекті зерттеу нәтижелерін жариялады.

Бұл жолы ұйымның сарапшылары Батыс Еуропа елдерінде мигранттар мен мұсылмандарға иман келтірген христиандар немесе атеистердің қайсысының жаман қарым-қатынаста екендігін анықтаған. 

Зерттеу нәтижелері көрсеткендей, өз елінің мәдениетін бөтен елдің мәдениетінен жоғары ұстайтындар – шіркеуге бара ма жоқ па оған қарамастан өздерін иман келтірушілерміз деп есептейтін адамдар болып шыққан.

Мысалы үшін, Ұлыбритания құндылығы мен мәдениетіне ислам сиыспайтын ұғым деп үнемі шіркеуге баратын ел тұрғындарының 45% мәлімдесе, ал иман келтіруші христиандардың арасындағы көрсеткіш бұдан да асып 47% көрсеткен. Бір қызығы, атеистердің арасында сауалнамаға жауап бергендердің тек 30% ғана осындай пікірді ұстанатындықтарын білдірген.

Сондай-ақ, иман келтіргендердің арасында да еврейлерге жағымсыз қарайтындар көптеп табылған екен: олардың көпшілігі еврейлерді  отбасы мүшесі ретінде көргісі келмейтіндерін мойындаған.

Ұқсас көрсеткіштер сауалнама жүргізілген 15 елдің бәрінде дерліктей белгілі болған.  Сонымен қатар, зерттеушілердің айтуына қарағанда, үргедектік атеистердің де, иман келтірушілердің де көпшілігіне тән емес екен.

Сауалнамаға жауап берушілердің жауаптарына олардың діни ұстанымдарынан бөлек жасы, жынысы, білім деңгейі және қаражат жағынан ауқаттылығы да ықпал еткен.

asyldin.kz