Бүгін «Һибатулла Тарази» мешітінде қасиетті Рамазан айының аяқталуына орай мешіт қызметкерлерінің апталық жиналыс өтті.

Жиында ҚМДБ-ның Жамбыл облысы бойынша өкіл имамы Данияр қажы Жұмабаев осы айда жасалған жұмыстардың қорытындысын жасап, жетістіктерге тоқталып өтті.

Сонымен қатар бас имам бір жағадан бас, бір жеңнен қол шығарып, бірлесе халық игілігі үшін еңбек еткен мешіт  қызметкерлеріне алғыс жариялады.

Айт мерекесіне орай сыйлықтар табыстап, ең ерекше еңбегі мол 6 қызметкерді алғыс хатпен марапаттады.

Жоспар бойынша алдағы атқаратын жұмыстар легін тілге тиек етіп, іске сәттілік пен жеміс тіледі.  

Ақерке БЕКҚҰЛОВА,

«Һибатулла Тарази» мешітінің баспасөз қызметі.