Қордай аудандық мешітінің найб имамы Д.Жандосұлы  «Нұр Отан» халықтық-демократиялық партиясында аудандық партия мүшелерімен кездесу өткізді.

Кездесуге «Дін мен дәстүр сабақтастығы» тақырыбы арқау болды. Д.Жандосұлы жиналған қауымды қасиетті Рамазан айымен құттықтап, Бас Мүфти Ержан қажы Малғажыұлының үндеуімен таныстырды. Сонымен қатар дін мен дәстүрдің сабақтастығын тілге тиек етіп, дінімізбен бірге еніп, дәстүрімізге айналған  көптеген көріністерді сипаттап, нақты мысалдар келтірді.

 Дін маманы жиынды тиімді пайдаланып, ел ішінде бүлік салып жүрген жат ағымдардың әрекеттеріне де тоқталып кетті.

Аудандық «Қордай» мешітінің баспасөз қызметі