Шу ауданы «Төле би» мешітінің бас имамы А. Алмаханов ауданға қарасты ауыл молдаларымен жаңа ашылған «Тасөткел» ауылдақ мешітінде қасиетті Рамазан айына байланысты жиналыс өткізді.

Ауданның бас имамы дін қызметкерлерін келе жатқан қасиетті Рамазан айымен құттықтап, ауылдардың хал-ахуалын сұрастырды. Мәжіліс барысында ауыл молдаларының атқарған іс-шараларын тыңдап, өз алдына кезекті Рамазан айына байланысты көпшілік жүретін жолдарда баннерлердің ілінуі, мешіттерде ауызашарлар ұйымдастыру, мешіттің ішкі-сыртқы тәртіп ережелерін және тазалыққа өте қатты мән беру мәселелеріне тоқталды.

Атқарылып жатқан төрт бағыт жұмыстарының сапасын жақсарту, «Иман» журналы, «Ислам және Өркениет» газетіне жазылушылардың санын арттыру сияқты т.б. тапсырмалар жүктеді. Жиын соңында ауыл молдаларына өз білімдерін жетілдіріп, жұмыстарын жоғарғы деңгейде атқарып, халықпен әрдайым тығыз байланыста болу керектігін айтып, алдағы уақытта атқаратын жұмыстарына сәттілік тіледі.  

                                   Шу аудандық «Төле би» мешітінің баспасөз қызметі.