Тараз қаласындағы «Намаз ата» мешітіне жаңа бас имам тағайындалды. Қалалық «Кеңесхан қажы» мешітінің наиб имамы Бектаев Қасымжан  «Нұр Мүбарак» Египет ислам мәдениеті университетінің түлегі Асылбек Едильбаевты аталған мешіттің жамағатымен таныстырып, Бас мүфтидің бұйрығын оқыды. Жамағат алдында жаңа тағайындалған имам алдағы уақытта да асыл дініміздің өркендеуіне еңбек ететіндігін білдірді. Осы уақытқа дейін мешіт имамының міндетін атқарып келген Мұхтар Бимурзаевқа жамағат алдында алғысын білдіріп, келешекте де дін жолындағы қызметіне табыс тіледі.