Меркі ауданында алғашқы болып Наурыз мерекесін атап өткен «Психологиялық-педагогикалық кемтар балаларды түзету» мекемесі аудандық «Меркі ата» қызметкерлерін іс-шараға арнайы шақырып, думанды шырша отырғызудан бастады. Бас имам қызметкерлерімен мерекелік іс-шараға қатысып, Наурыз мейрамымен құттықтап, ақ дастархан басында елімізге батасын беріп, наурыз көжеден дәм татып қайтты.

Халқымыздың салт-дәстүріне айналған наурыз мерекесін атап өтуде аудан мешіттері де кенже қалған жоқ. Елді-мекендегі имам-молдалар көпшілік халықпен бірлесе Наурыз мерекесін атап өтіп, дұға, бата жасады.

Аудандық «Меркі ата» мешітінде салт-дәстүрімізді дінімізбен байланыстырып, қайырымдылық шараларымен қоса ұлттық спорт ойындары ұйымдастырылды.

Мешіт асханасында мешіт жамағаты және тұрмысы төмен отбасының мүшелеріне арнайы мерекелік дастархан жайылып, наурыз көже берілді.

Аудандық «Меркі ата» мешіті