Қордай аудандық ақпараттық түсіндіру тобының мүшесі, аудандық «Қордай» мешітінің наиб имамы Д.Жандосұлы Қордай ауылдық аумағында орналасқан мектеп ұжымдарымен кездесу өткізді.

Кездесудің басты мақсаты – мектеп оқушыларын лаңкестік және экстремистік ұйымдардың ықпалынан сақтап қалу. Дінтану магистрі Д.Жандосұлы елімізде тиым салынған экстремистік ұйымдарға жеке-жеке тоқталып, әр топтың ерекшеліктерін сипаттап берді.

«Экстремистік ұйымдардан сақтану жолы жастарға дәстүрімізбен біте қайнасқан дініміз жайлы дұрыс ақпарат беру болып табылады» - деген дін маманы, жастардың және өздеріне «құрбан» іздеген экстремистік топтардың әлеуметтік желіде көп белсенділік танытанын ескертті.

Осы жайттарды ескере отырып, ел болашағы болып саналатын ұрпақтың діни иммунитін дұрыс қалыптастыруға шақырды. Жиынға қатысушылар тарапынан сұрақтар қойылып, баршасына жауаптар қайтарылды.

Аудандық «Қордай» мешітінің баспасөз қызметі