1 наурыз «Алғыс айту» күніне орай Арнаулы әлеуметтік қызметтер ұсыну орталығының мұсылмандар бөлмесінде «1 наурыз - Алғыс айту күніне - игі дәстүрге» атты дөңгелек үстел отырысы өткізілді.

Аталған шараға «Һибатулла Тарази» мешітінің наиб имамы Ержан Аманбаев пен мекеме тұрғындары қатысты.

«Алғыс айту күні – күрделі заманда иық тіресе бірге еңсеріп, қысқа мерзім ішінде Елбасының басшылығымен Тәуелсіз Қазақстанды құру жолында аянбай тер төккен еліміздің барлық азаматтарының бір-біріне құрмет білдіретін күні. Аллаға шүкіршілік етуі, әрбір адамның шүкіршілігі болса алғыс та болады. Алла тағалам мені еске алыңдар, маған шүкіршілік етіңдер деген,» - дейді Ержан Мақанұлы өз уағызында.

Наиб имам насихатын жеткізумен қатар көпшілікке: «Жылы сөз, қайырымды іс, жақсы ой, кіршіксіз сезімдеріңізді ешкімнен ешқашан аямаңыздар, «Рахмет» деген қасиетті сөзді жиі айтыңыздар» - деп, алғысын айтып тілек білдірді. Арнаулы әлеуметтік қызмет алушылар да, өздерінің алғыстарын жеткізді.

 «Һибатулла Тарази» мешітінің баспасөз қызметі