Риуаяттарда келеді: Қиямет күні Алла тағала еш ғибадат қылмаған екі инсанды алып келеді де:

-Бүгін сендерге дозаққа шешім шықты! Жүгіріңдер дозаққа! - деп бұйрық береді. Біреуі, естіген мезгілде жүгіре кетеді, екіншісі де естіген мезгілде  артына қарап-қарап ол да жүгіре кетеді.
Алла тағала тоқтаңдар! - дейді.
-Ей, пендем! Сен білмейсің бе? Дозақтың қандай ыстық от, қандай жаман екенін... Ал сен болсаң, естіген мезгілде жүгіре кеттің.
-Уа, Аллам! Білемін, дозақтың  жаман жәй екенін. Бірақ бұл дүниеде жүрген кезімде бірде-бір бұйрығыңды атқармадым, енді жоқ дегенде осы бұйрығыңды атқарайын деп жүгірдім, - деді.                                                Алла тағала екіншісінен сұрайды:
-Ей, пендем! Сен неге мен жүгір дегенде  артыңа қарап-қарап жүгірдің?
-Уа, Аллам! Сен мейірімдісің, кешіріміңнен үміт қылдым, - деді.  Алла тағала:
-Екеуіңде тең Пейішіме кіріңдер менен қорыққандарға және үміт қылғандарға сыйлығым Пейіш, - дейді.
Шындығында Алла тағала Құранда былай дейді: «Ей, өзіне қарсы ысырап (күнә) қылған пенделерім! Алланың мейірімінен үміт үзбеңдер, Расында, Алла барлық күнәлерді кешіруші » (Құран 39:53).

Ерлан БӨЛЕГЕНОВ,

«Бегалы ата» мешітінің имамы.