Баязид Бистами хазірет бір түні бірнеше шәкірттерімен бір адамның үйінде қонақ болады. Үй иесі үйдің жарық болуы үшін бір шырақ жағады. Баязид Бистами үй иесінен былай деп сұрайды:

–       Мына шырақ жанып тұр, бірақ жарық бермей тұр. Мұның хикметі не болды екен?

–       Ұстаз, біз бұл шырақты бір түн қолдану үшін көршіден аманатқа алған едік. Сіздер қонаққа келген соң бүгін екінші түн қолданып отырмыз, білкім, содан болар.

Баязид Бистами хазіреттері шырақты өшіріп:

–       Шырақты иесіне қайтарып беріңдер. Егер оларға керек емес болса, бір түн тағы қолдана тұруға рұқсат сұраңдар! – дейді.

Үй иесі шырақты көршісіне алып барып, болғандарды айтып, шырақты тағы бір түн қолдануға рұқсат алады. Үйге келіп, шырақты қайта жағады. Бұл жолы бөлме өте жақсы жарықтанды. Баязид Бистами хазірет:

–       Міне, енді жарықты көріп тұрмын, – дейді.