«Мойынқұм» мешітінің бас имамы Ержан Көшкімбай жамағатқа «Той – тәрбиемен тағылымның ортасы» тақырыбында уағыз-насихат жүргізді.
Уағыз барысында имам қазақ халқының той өткізу мәдениеті мен ондағы тәрбиелік мәнге тоқталып, жиын-тойларда орын алып жүрген әдепсіз қылықтар мен орынсыз сөздерді тілге тиек етті. Сонымен қатар той үстінде шектен тыс даңғазаға салыну, ысырапшылдыққа жол беру, астамшылық таныту секілді мәселелерді атап өтті.
«Той – тек қуаныш бөлісетін орын ғана емес, ол – өнеге мен тәрбиенің, сыйластық пен бірліктің көрінісі. Сондықтан әрбір басқосуда әдеп сақталып, ысырапқа жол берілмеуі тиіс», – деп атап өтті бас имам.
Мойынқұм аудандық «Мойынқұм» мешітінің баспасөз қызметі.



21 Қараша 2026
10 Джумада-сани 1448

