Шу ауданы «Жиенбет Жексенбай» мешітінде имам Шүкірәлі Бердібековтың жүргізуімен жаназа рәсіміне қатысты оқу-жаттығу семинары өтті.

Семинардың мақсаты – мұсылманға жаназа рәсімін дұрыс атқару, мәйітті жуу және кебіндеу тәртібін үйрету. Жиын барысында қатысушыларға мәйітті жуып, кебіндеудің шариғат талаптарына сай орындалу жолдары түсіндірілді.

Арнайы көрнекі құралдар мен манекеннің көмегімен тәжірибелік жаттығулар жүргізіліп, қатысушылар сұрақ-жауап арқылы өзара пікір алмасты. Тәжірибелі азаматтар мәйітті жуу мен кебіндеу барысында ескерілетін маңызды жайттармен бөлісті.

Семинар соңында Құран оқылып, қатысушыларға дастархан жайылды. Жиынға қатысушылар жаназа рәсімін үйренудің маңыздылығын атап, бұл істің жауапкершілігі мол әрі сауабы мол амал екенін жеткізді.

Шу аудандық «Жәми» мешітінің баспасөз қызметі.