«Жәми» мешітінің әйел-қыздар секторында жамағатқа арналған тағылымды рухани кеш ұйымдастырылды. Басқосуда дастархан жайылып, әйел жамағаты бір-бірімен көрісіп, рухани әңгіме өрбітті.

Кездесу барысында діннің маңызы, көркем мінез бен ізгі амал жайында уағыз айтылып, Пайғамбарымыз Мұхаммедтің (с.ғ.с.) өмірінен өнегелі мысалдар мен хадистер келтірілді. Сонымен қатар қатысушылардың діни білімін арттыру мақсатында Ислам діні мен Пайғамбарымыздың (с.ғ.с.) өміріне қатысты викториналық сұрақтар қойылды. Белсенділік танытып, дұрыс жауап берген жамағатқа арнайы сыйлықтар табысталды.

Кештің тағы бір ерекшелігі – дастарханның түрлі ұлт өкілдерінің ұлттық тағамдарымен толықтырылуы болды. Әр ұлттың әйелдері өз дәстүріне сай тәттілер мен тағамдар әзірлеп әкеліп, ортақ дастарханға ұсынды. Осылайша жамағат өкілдері түрлі дәмнен ауыз тиіп, өзара сыйластық пен татулықтың жарқын үлгісін көрсетті.

Шу аудандық «Жәми» мешітінің баспасөз қызметі.