«Асайын Кәлпе» мешітінің имамы Шаттық Қамаубаевтың ұйымдастыруымен Теміржол колледжінің шәкірттеріне арналған тағылымды кездесу өтті.

Кездесу барысында жастарға тәртіптің адам өміріндегі маңызы түсіндіріліп, қоғамдық ортада өзін дұрыс ұстау, үлкенді сыйлау, жауапкершілік пен бауырмалдық қасиеттерді қалыптастыру жөнінде насихат айтылды.

Сонымен қатар қазіргі қоғамдағы өзекті мәселелерге тоқталып, жас ұрпаққа бір-біріне күш көрсетуге, әлімжеттік жасауға жол бермеу қажеттігі туралы сұхбат жүргізілді. Шәкірттерді өзара сыйластыққа, мейірімділікке және қиын жағдайда бір-біріне қолдау көрсетуге шақырды.

Шу аудандық «Жәми» мешітінің баспасөз қызметі.