«Жиенбет Жексенбай» мешітінің имамы Шүкірәлі Бердібеков «Отбасы құндылығы – ел бірлігінің негізі» тақырыбында насихат айтты.

Имам отбасының қоғамдағы маңызына тоқталып, үлкенге құрмет, кішіге ізет көрсету, ағайын арасындағы ауызбіршілік пен өзара жанашырлықтың маңызын атап өтті.

Отбасы күніне орай ауылдың қоғамдық өміріне белсене араласып, мешіттің көркеюіне, қайырымдылық шараларына және түрлі игі бастамаларға қолдау көрсетіп жүрген азаматтарға алғыс білдірілді. Сондай-ақ көпбалалы отбасылардың ұйытқысы болған аналарға арнайы Алғыс хаттар табысталды.

Жиын барысында ауыл жамағатының бірлігі мен жастар тәрбиесінің маңызы да сөз болып, әр шаңыраққа амандық пен береке тіленді.

Шу аудандық «Жәми» мешітінің баспасөз қызметі.