Мойынқұм ауданындағы ауылдық әкімшілік ғимаратында «Шопан ата» мешітінің имамы Бақытжан Мадыхановтың қатысуымен «Нашақорлық – құрдымға кетіреді» тақырыбында тағылымды уағыз айтылды.

Уағыз барысында нашақорлықтың адам денсаулығына, отбасына және қоғамға тигізетін зияны кеңінен түсіндірілді. Имам есірткіге тәуелділіктің адам өміріне кері әсерін атап өтіп, жастарды зиянды әдеттерден аулақ болуға және салауатты өмір салтын ұстануға шақырды.

Кездесу соңында қатысушыларға пайдалы насихаттар айтылып, өзара пікір алмасты.

Мойынқұм аудандық «Мойынқұм» мешітінің баспасөз қызметі.