Сарысу аудандық мешітінде жамағатқа арналған кезекті «Пәтуа сағаты» өтті. Кездесуде сауда заттарының зекетін заттай берудің үкімі жан-жақты түсіндірілді.

Аталған тақырып бойынша Сарысу ауданының бас имамы Қонақбаев Ғалымжан Қабылбекұлы жамағатқа мәселенің шариғи негізін түсіндіріп, саудамен айналысатын мұсылман үшін зекетке қатысты ескерілетін маңызды мәселелерге тоқталды.

Пәтуа сағатында саудаға арналған тауарлардың зекеті қалай есептелетіні, зекеттің ақшалай немесе заттай берілуіне қатысты үкімдер, сондай-ақ зекет беруші мен оны алушы тарап үшін ескерілетін жайттар түсіндірілді. Мәселе Ханафи мәзһабының ұстанымдары негізінде баяндалып, жамағаттың көкейіндегі сауалдарға жауаптар берілді.

Мұндай діни-ағартушылық кездесулердің негізгі мақсаты — жамағатқа шариғат үкімдерін дұрыс әрі жүйелі түрде жеткізіп, күнделікті өмірде кездесетін діни мәселелер бойынша сауатты шешім қабылдауға бағыт-бағдар беру.

Сарысу аудандық мешітінің баспасөз қызметі