Аудан бас имамы Дәуіт Сейітқалиұлы «Ас-Сами» мешітіне жаңадан тағайындалған Нұрбек  Бақытжанұлы имамды мешіт жамағатына таныстырды.

Жиын барысында аудан бас имамы жаңа имамның міндеттері мен алдағы қызметіне тоқталып, жамағатпен етене жұмыс істеудің, мешіттің діни-ағартушылық бағыттағы жұмыстарын жандандырудың маңыздылығын атап өтті.

Өз кезегінде мешіт жамағаты жаңа имамды жылы қабылдап, қызметіне сәттілік тіледі. Жаңа имам алдағы уақытта жамағатпен бірлесе отырып, мешіттің берекелі іс-шараларын жалғастырып, халыққа рухани қолдау көрсетуге ниетті екенін жеткізді.

Кездесу соңында жаңа имамның қызметіне береке тілеп, ақжолтай дұға жасалды.

Меркі аудандық «Меркі ата» мешітінің баспасөз қызметі