«Ботбай баба» мешітінің ұжымы мен жамағаты «Мектепке жол» акциясына қолдау білдіріп, бірқатар оқушыға қажетті көмек көрсетті. Қайырымдылық шарасы барысында балаларға мектеп киімдері мен оқу құрал-жабдықтары алып берілді.

Бұл игі іс – өскелең ұрпаққа қолдау көрсетіп, олардың білім алуына жағдай жасауға бағытталған сауапты бастамалардың бірі. Мешіт жамағаты балалардың жаңа оқу жылын жақсы көңіл-күймен бастауына өз үлесін қосты.

Пайғамбарымыз (Оған Алланың салауаты мен сәлемі болсын): «Аллаға ең сүйікті адамдар – адамдарға ең көп пайдасы тигендер», – деген.

Жақсылықта жарысып, елге қолдау көрсету – мұсылманның көркем мінезінің белгісі. Осындай игі іске атсалысқан мешіт ұжымы мен жамағатына Алла разы болсын! Жасаған қайырымдылықтары қабыл болып, берекесі артсын.

Меркі аудандық «Меркі ата» мешітінің баспасөз қызметі