Тараз қаласының бас имамы Ержан Аманбаев «Қазақстан темір жолы» депосының қызметкерлерімен кездесіп, тағылымды насихат жүргізді.

Кездесу барысында имандылықтың адам өміріндегі маңызы, адал еңбек пен маңдай термен нәпақа табудың қадірі, сондай-ақ отбасы құндылықтарын сақтау мәселелері сөз болды.

Бас имам адалдық пен жауапкершіліктің әрбір мұсылманның өмірінде маңызды орын алатынын айтып, еңбекті бағалап, кәсіби міндетке жауапкершілікпен қарауға шақырды. Сонымен қатар отбасы мүшелеріне құрмет көрсету, ата-анаға ізет білдіру және жанұядағы татулық пен берекені сақтау жөнінде насихат айтылды.

Кездесу соңында қызметкерлер өздерін толғандырған сұрақтарын қойып, имандылық пен отбасы тәрбиесіне қатысты ой-пікірлерімен бөлісті.

Шу аудандық «Жәми» мешітінің баспасөз қызметі.