«Төле би» мешітінің орыс тілді кіші тобында ұстаз Руқиям Абдуллақызының ұйытқы болуымен шәкірттер арасында «Первые шаги к знаниям Ислама» атты тағылымды іс-шара ұйымдастырылды.

Шара барысында шәкірттер Құран аяттарын оқып, Ислам құндылықтарын насихаттайтын көріністер көрсетті. Сонымен қатар, түрлі танымдық ойындар мен викториналар өткізіліп, қатысушыларға уағыз-насихат айтылды. Іс-шара соңында жиналғандарға дастархан жайылып, жылы жүздесу атмосферасында қорытындыланды.

Ұстаз шәкірттердің белсенділігіне, ұйымшылдығына жоғары баға беріп, осындай игі бастаманы сәтті ұйымдастырғандары үшін ризашылығын білдірді.

Шу аудандық «Жәми» мешітінің баспасөз қызметі.