Жуалы ауданына қарасты «Шақпақата», «Билікөл», «Дәурен» және «Қарасаз» мешіттерінде бесін намазының алдында жамағатқа рухани-танымдық насихат жүргізілді.

Насихат барысында мешіт имамдары Қасиетті Құран Кәрімнің «Ибраһим» сүресінің 27, 28, 29 және 30-аяттарын негізге ала отырып, иманның беріктігі, Алланың нығметтеріне шүкіршілік ету, күпірліктен сақтану және тура жолды ұстанудың маңызы жөнінде тағылымды уағыз айтты. Сондай-ақ жамағат ізгі амалдарға ұмтылуға, бірлік пен татулықты сақтауға, дініміздің асыл құндылықтарын өмірде берік ұстануға шақырылды.

Жиын соңында еліміздің амандығы мен жұртымыздың тыныштығы үшін дұға жасалды.

Жуалы аудандық мешітінің баспасөз қызметі.