Шу ауданының орталығында орналасқан «Төле би» мешітінде әйел-қыздар секторының ұстазы Рукиям Абдуллақызының ұйымдастыруымен орыс тілді топқа арналған «Мәйітті кебіндеу және соңғы сапарға шығарып салу әдебі» тақырыбында тағылымды семинар өтті.

Шараға ауданның ақжаулықты аналары, әжелер мен апа-қарындастар қатысып, шариғат талаптарына сай соңғы міндетті дұрыс орындаудың қыр-сырын меңгерді. Жиын барысында ұстаз мәйітті жуындыру, кебін пішу және орау сияқты маңызды амалдарды тәжірибе жүзінде көрнекі түрде түсіндіріп берді.

Басқосу соңында арнайы сұрақ-жауап айдары ұйымдастырылып, қатысушылар көкейде жүрген діни әрі салттық сауалдарына тұшымды жауаптар алды. Өзекті де жауапты тақырыпты қозғаған бұл шараға апа-әжелеріміз ризашылықтарын білдіріп, жоғары оң бағаларын берді. 

Шу аудандық «Жәми» мешітінің баспасөз қызметі.