Жуалы ауданының Теріс ауылында «Сыйластық – бауырмалдықтың белгісі» атты тағылымды басқосу өтті. Ардақты Пайғамбарымыз Мұхаммед ﷺ: «Бір-бірлеріңе сыйлық беріңдер, сонда араларыңдағы сүйіспеншілік артады», – деген.

Осы хадисті негізге алған ауыл тұрғындары ел ағаларының хал-жағдайын сұрап, құрмет көрсетіп, шағын сыйлықтар мен тәтті нан тарту етті. Мұндай игі амалдар адамдар арасындағы сыйластықты нығайтып, бауырмалдық пен бірлікті арттыра түседі.

«Алла Тағала ауылымыздың ынтымағын бекем етіп, әр шаңыраққа амандық, береке және татулық нәсіп етсін!» – деді ауыл имамы.

Жуалы аудандық мешітінің баспасөз қызметі