Аудандық Бәйдібек мешітінің бас имамы Даурен Куттыбаев мешітке келген жамағатқа «Суицид – қоғам дерті» тақырыбында тағылымды насихат жүргізді.

Уағыз барысында ол адам өмірінің ең қастерлі құндылықтардың бірі екенін атап өтіп, әрбір жанның өмірі мен денсаулығын сақтау маңызды міндет екенін түсіндірді.

Бас имам өз сөзінде рухани әлсіздікке, жалғыздық сезіміне және түрлі өмірлік қиындықтарға тап болған адамдарға қолдау көрсету қоғамның ортақ жауапкершілігі екенін жеткізді. Сонымен қатар, ол қандай жағдай болмасын үмітті жоғалтпауға және қиындықтарды сабырмен еңсеруге ұмтылудың маңыздылығына тоқталды.

Кездесу барысында отбасының адам өміріндегі орны ерекше екені айтылып, жақындардың қамқорлығы мен қолдауы көптеген мәселелердің алдын алуға ықпал ететіні түсіндірілді.

Даурен Куттыбаев жастардың рухани тәрбиесіне көңіл бөліп, олардың бойында өмірге деген жауапкершілік пен сенімді қалыптастыру қажеттігін атап өтті. Сондай-ақ, ол қоғамдағы өзара жанашырлық пен мейірімділіктің адамдардың қиын кезеңдерді жеңуіне көмектесетін маңызды фактор екенін айтты.

Насихат кезінде психологиялық және рухани қолдаудың маңызы сөз болып, көмекке мұқтаж жандарға бейжай қарамау қажеттігі ерекше атап өтілді.

Бас имам жамағатты айналасындағы адамдардың көңіл-күйіне назар аударып, оларға ізгі қарым-қатынас пен қолдау көрсетуге шақырды.

Кездесуде адам бойындағы үміт, сенім және сабыр секілді қасиеттердің өмірлік қиындықтарды еңсерудегі рөлі жан-жақты түсіндірілді.

Жамағатқа қоғамдағы осындай өзекті мәселелердің алдын алуда отбасы, білім беру ұйымдары және діни мекемелердің бірлескен жұмысы маңызды екендігі айтылды.

Тағылымды насихат соңында қатысушылар өмірдің қадірін бағалау, рухани құндылықтарды нығайту және қоғамда өзара қолдау мәдениетін қалыптастырудың маңызы жөнінде құнды мәліметтер алды.

Жамбыл аудандық орталық мешітінің баспасөз қызметі