Қордай ауданының бас имамы Азамат Берікұлы агротех саласының басшысы Баһадүр мырзамен арнайы кездесіп, өзара пікір алмасты. Кездесу барысында рухани тәрбие, ұлттық құндылықтар және қоғамдағы ізгілік пен ынтымақты нығайту мәселелері сөз болды.

Басқосу соңында Азамат Берікұлы Баһадүр мырзаға ризашылығын білдіріп, сыйлық ретінде тағылымдық кітап тарту етті. Өз кезегінде Баһадүр мырза да игі бастамаларға қолдау білдіріп, алдағы уақытта да бірлесе жұмыс жасауға дайын екенін жеткізді. Алла Тағала ел игілігі жолындағы еңбектерімізге береке беріп, ынтымағымызды арттырғай!

Аудандық «Қордай» мешіті баспасөз қызметі